ახალგაზრდა ინჟინრების მთავარი დევიზია - შემეცნება თამაშით. ჩვენი უნიკალური პროგრამა Big Builder სკოლამდელი ბავშვებისთვისაა და მიზნად ისახავს სამეცნიერო ტექნიკური კონცეფციების საფუძვლების გაცნობას პრაქტიკული, ექსპერიმენტული სწავლების მეთოდით. გვჯერა, რომ შემეცნების პროცესის გახალისება პატარა ასაკიდანვე ბავშვებს მთელი ცხოვრების მანძილზე სწავლისა და შემოქმედებითი აზროვნების მოტივაციას შეუქმნის. კურსის სტუდენტები შექმნიან 3D კონსტრუქციებს, მათთვის გამოყოფილი, სპეციალურად ამ პროგრამისთვის დამზადებული კომპლექტით. აქტივობები კურსის ფარგლებში გათვლილია ისე, რომ ყოველ შემდეგ გაკვეთილზე მოსწავლემ გააუმჯობესოს მოტორული და სენსორული უნარები, გაეცნოს ინჟინერიის ტერმინოლოგიას. კურსი საშუალებას იძლევა ბავშვი შეეჩვიოს როგორც გუნდურ, ისე დამოუკიდებელ მუშაობას და პასუხისმგებლობა აიღოს თავის მიერ შექმნილი მოწყობილობის სრულყოფილად მუშაობაზე.
